Nettvett og overtramp

Som ferske tenåringar, får venene Ella og Omar endeleg lov til å opne profilar på sosiale medium. Men så fort dei gjer det, oppdagar dei at Ella si mor har lagt ut bilete av dei på internett i lang tid allereie. Verkeleg pinlege bilete! Eit av dei viser Ella då ho var sjuk og prikkete, på eit anna ser det ut som ho står og piller seg i nesa!

Sidan mora har over sytti tusen følgjarar, er det mange som har sett bileta allereie, inkludert fleire av barna på skulen og foreldra deira. No vil Ella ha hemn!

Med god hjelp frå Omar begynner dei å legge ut pinlege bilete av mora på nettprofilen Mamma på dass. Dei snikfotograferar ho blant annet mens ho sitt på do, mens ho bøyer seg i berre trusa, og så skriv dei moroamme tekstar til. Men kvar går grensa for bilete ein legg ut på nett, og kva for konsekvensar får det om mora ein dag får vite kva dei har gjort?

«Mamma på dass» er ein ellevill og brennaktuell bok som tar opp nettvett og personvern på ein gøyal måte. Den er skriven i eit jublande rikt språk og har godt lesedriv. Enkelte lesarar kan finne dei tre første kapitla noko utfordrande, då det er ein del forhistorie som skal på plass. Men idet fjerde kapittel tar til, susar fortellinga verkeleg av gårde, og er både engasjerande og morosam.

Boka anbefalast for barn på mellomtrinnet med litt leseerfaring.