Polarnatt

Om boka

16 år gamle Ilias bur på asylmottak
med veslesøstera si Amira.
Men Ilias har rota seg bort i eit farleg miljø,
og no treng han raske pengar.
Han og søstera rømmer ut i den kalde mørke vinternatta,
med pengeinnkrevarane hakk i hel.

 

I Polarnatt er spaninga i gong frå første side,
og historia er skildra tett på dei to søskena.
Kapitla er korte med hyppige avsnitt.
Språket er enkelt og godt med mykje dialog,
gode grep som driv historia framover.
Illustrasjonane er stemningsskapande og
tek lesaren med på flukta til dei to søskena.
Polarnatt er ein drivande god thriller for
lesarar frå mellomtrinnet og oppover.

 

Utdrag fra boka

Ilias hjelper Amira på beina.
– Går det bra med deg? spør han.
Amira nikkar, men heile kroppen hennar ristar.
Augo er store, ho hikstar etter luft.
Nils kjem rundt bilen, og Amira rykker til.
Ilias held rundt henne, held øksa fram mot Nils.

Nils blør frå eit kutt i panna.
– Kvar er pengane? seier Nils, ser ikkje på øksa,
kjem berre nærare, endå eit steg nærare.
– Stopp! Elles høgg eg, seier Ilias.
– Har du framleis ingenting til meg? seier Nils.
Han tar handa opp til panna, gnir vekk blodet.
Ilias kjenner armane til Amira rundt magen,
ho pressar seg inntil han.
Handa til Nils fyk fram,
han rykker øksa ut av grepet til Ilias.
Ilias tar etter øksa, men det er for seint.